Мадриднинг «Реал» клуби ҳужумчиси Марко Асенсио клублар ўртасидаги жаҳон чемпионати ярим финалида «Ал-Ахли»га қарши баҳсда майдонга тушмайди.
Marca хабарига кўра, футболчи машғулотлардан бирида ўнг оёғида ноқулайлик ҳис қилган. Карло Анчелотти бугунги учрашувда шифокорларни тинглашга ва футболчидан фойдаланмасликка мажбур бўлди. Эртага испаниялик ушбу жароҳат моҳиятини кўрсатувчи тиббий текширувдан ўтади.
Эслатиб ўтамиз, асосий дарвозабон Тибо Куртуа, ҳужумчи Карим Бензема ва ҳимоячи Эдер Милитаолар ҳам «Ал-Ахли»га қарши ўйинда «қаймоқранглилар»га ёрдам бермайди, аммо улар турнир финалида ўйнашлари эҳтимоли катта.
