“Lion” himoyachisi Malo Gyusto kecha Fransiya kubogi doirasida "Lill"ga qarshi o‘yinning 33-daqiqasida almashtirildi.
Avvaliga futbolchining son suyagida muammo borligi haqida shubhalar bor edi, biroq "Lion" bosh murabbiyi Loran Blan futbolchida hammasi joyida ekanini aytdi.
Eslatib o‘tamiz, yanvar oyida Gyusto Londonning "Chelsi" klubiga 35 million yevro evaziga o‘tgan edi. Joriy mavsumda 19 yoshli Malo Lionda ijara asosida o‘ynaydi, keyin esa "ko‘klar" safiga qo‘shiladi.
Joriy mavsumda Gyusto Liga 1ning 17 o‘yinida 1 ta golli uzatmani amalga oshirdi. Futbolchiga avvalroq "Manchester Yunayted" va "Bavariya" kabi klublar ham qiziqish bildirgandi.













