“Лион” ҳимоячиси Мало Гюсто кеча Франция кубоги доирасида "Лилл"га қарши ўйиннинг 33-дақиқасида алмаштирилди.
Аввалига футболчининг сон суягида муаммо борлиги ҳақида шубҳалар бор эди, бироқ "Лион" бош мураббийи Лоран Блан футболчида ҳаммаси жойида эканини айтди.
Эслатиб ўтамиз, январь ойида Гюсто Лондоннинг "Челси" клубига 35 миллион евро эвазига ўтган эди. Жорий мавсумда 19 ёшли Мало Лионда ижара асосида ўйнайди, кейин эса "кўклар" сафига қўшилади.
Жорий мавсумда Гюсто Лига 1нинг 17 ўйинида 1 та голли узатмани амалга оширди. Футболчига аввалроқ "Манчестер Юнайтед" ва "Бавария" каби клублар ҳам қизиқиш билдирганди.
