"Vest Xem" sardori Deklan Raysning narxini oshirishni ko‘rib chiqmoqda. Jurnalist Ben Jeykobsning so‘zlariga ko‘ra, "bolg‘achilar" rahbariyati o‘rtasida qishda 300 million yevrodan ortiq mablag‘ sarflagan Londonning "Chelsi" klubining transfer faoliyati fonida shunday fikrlar paydo bo‘lgan.

Shartnomasi 2024 yilning yozida yakuniga yetadigan Raysga asosiy da’vogar – “Chelsi” va “Arsenal”. Klublar 24 yoshli angliyalik futbolchini 80-90 million yevroga qo‘lga kiritishga umid qilmoqda, ammo "Vest Xem" bundan ham ko‘proq narsani talab qilishi mumkin.

Eslatib o‘tamiz, Raysning o‘zi "Chelsi" tarbiyalanuvchisi hisoblanadi va 16 yoshigacha klub akademiyasida o‘ynagan.