"Вест Хэм" сардори Деклан Райснинг нархини оширишни кўриб чиқмоқда. Журналист Бен Жейкобснинг сўзларига кўра, "болғачилар" раҳбарияти ўртасида қишда 300 миллион евродан ортиқ маблағ сарфлаган Лондоннинг "Челси" клубининг трансфер фаолияти фонида шундай фикрлар пайдо бўлган.

Шартномаси 2024 йилнинг ёзида якунига етадиган Райсга асосий даъвогар – “Челси” ва “Арсенал”. Клублар 24 ёшли англиялик футболчини 80-90 миллион еврога қўлга киритишга умид қилмоқда, аммо "Вест Хэм" бундан ҳам кўпроқ нарсани талаб қилиши мумкин.

Эслатиб ўтамиз, Райснинг ўзи "Челси" тарбияланувчиси ҳисобланади ва 16 ёшигача клуб академиясида ўйнаган.