"Barselona" hujumchisi Ansu Fatiga "Manchester Yunayted" tomonidan qiziqish bildirilmoqda. Mankunianliklar yozgi transfer oynasida 20 yoshli forvardni sotib olmoqchi.
Todofichajes jurnalistlarining xabar berishicha, "qizil iblislar" rahbariyati futbolchi uchun taklif qilishga tayyor bo‘lgan maksimal pul miqdorini belgilab qo‘ygan. "Yunayted" iqtidorli futbolchi uchun kataloniyaliklarga 60 million yevro taklif qilmoqchi.
Ispaniya chempionatining joriy mavsumida Fati 20 uchrashuvda qatnashib, 3 ta gol urdi va 3 ta golli uzatmani amalga oshirdi. Hujumchining "Barselona" bilan shartnomasi 2027 yilgacha mo‘ljallangan.
