"Барселона" ҳужумчиси Ансу Фатига "Манчестер Юнайтед" томонидан қизиқиш билдирилмоқда. Манкунианликлар ёзги трансфер ойнасида 20 ёшли форвардни сотиб олмоқчи.
Todofichajes журналистларининг хабар беришича, "қизил иблислар" раҳбарияти футболчи учун таклиф қилишга тайёр бўлган максимал пул миқдорини белгилаб қўйган. "Юнайтед" иқтидорли футболчи учун каталонияликларга 60 миллион евро таклиф қилмоқчи.
Испания чемпионатининг жорий мавсумида Фати 20 учрашувда қатнашиб, 3 та гол урди ва 3 та голли узатмани амалга оширди. Ҳужумчининг "Барселона" билан шартномаси 2027 йилгача мўлжалланган.
