"Borussiya M" sport direktori Roland Virkusning aytishicha, klub himoyachi Rami Bensebayni va hujumchi Markus Tyuram bo‘yicha taklif olmagan.

"Bensebayni va Tyuramning shartnomalari yozda tugaydi. Bizda ikkala futbolchi uchun ham taklif bo‘lmagan.

Ularning ikkalasi ham mavsumning ikkinchi yarmida biz bilan bo‘lishlaridan xursandmiz. Umid qilamanki, ular o‘z darajalari bilan bizning maqsadlarimizga erishishimizga yordam berishadi ", dedi Virkus.

Bensebayni 2019 yilning yozidan buyon "Borussiya M"da o‘ynamoqda. Joriy mavsumda u 20 ta o‘yinda 6 ta gol urdi.

Tyuram 2019 yilning yozidan beri klub sharafini himoya qilmoqda. Markus joriy mavsumda 20 ta o‘yin o‘tkazib, 13 ta gol urdi va 4 ta golli uzatmani amalga oshirdi.