"Chelsi" himoyachisi Sesar Aspilikueta "ko‘klar"ning sobiq bosh murabbiyi, hozirda "Tottenxem"ni boshqarayotgan Antonio Konte bilan ishlash haqida gapirdi.
“Antonio har bir mashg‘ulotda juda talabchan odam edi. Uning mavsumoldi birinchi mashg‘ulotlarini eslayman - u o‘zini qurbon qilishga tayyor edi. Shundan so‘ng tez orada maydonda o‘yiningiz kuchayganini his qilasiz. Konte klubda bo‘lganida men eng yaxshi paytlarda edimmi? Ha, bu men har daqiqada o‘ynaganim va u bilan boshidanoq o‘zimga ishonchni his qilganim uchun bo‘lgan", - deya Aspilikuetaning so‘zlarini keltiradi The Athletic.
Konte 2016 yildan 2018 yilgacha “Chelsi”ni boshqargan. Uning qo‘l ostida jamoa Angliya chempionligi va mamlakat kubogini qo‘lga kiritdi.
