"Челси" ҳимоячиси Сесар Аспиликуэта "кўклар"нинг собиқ бош мураббийи, ҳозирда "Тоттенхэм"ни бошқараётган Антонио Конте билан ишлаш ҳақида гапирди.
“Антонио ҳар бир машғулотда жуда талабчан одам эди. Унинг мавсумолди биринчи машғулотларини эслайман - у ўзини қурбон қилишга тайёр эди. Шундан сўнг тез орада майдонда ўйинингиз кучайганини ҳис қиласиз. Конте клубда бўлганида мен энг яхши пайтларда эдимми? Ҳа, бу мен ҳар дақиқада ўйнаганим ва у билан бошиданоқ ўзимга ишончни ҳис қилганим учун бўлган", - дея Аспиликуэтанинг сўзларини келтиради The Athletic.
Конте 2016 йилдан 2018 йилгача “Челси”ни бошқарган. Унинг қўл остида жамоа Англия чемпионлиги ва мамлакат кубогини қўлга киритди.
