Belgiyalik darvozabon Tibo Kurtua «Atletiko Madrid» tarkibida juda ko‘p yutuqlarga erishdi - u mamlakat chempionligini qo‘lga kiritdi, Chempionlar ligasi finalida o‘ynadi, Yevropa ligasida g‘alaba qozondi.

Uning xizmatlari sharafiga klub muxlislari yangi stadion, tribunalarda yodgorlik lavhasini joylashtirdi, klubning boshqa tarixiy ahamiyatga ega futbolchilari uchun ham xuddi shunday ish qilindi.

Biroq, shunday bo‘ldiki, Kurtua «Real»ga o‘tdi. O‘tgan yilning bahorida u «matraschilar» muxlislarini ranjitadigan bayonot berdi va ehtiyotsizlik qildi. Kurtua «Real Madrid» shaharning bosh jamoasi ekanligini tinmay ta’kidlagan.

Shundan keyin muxlislar uning plakatga ham hurmat bilan munosabatda bo‘lishni to‘xtatdilar. Uning ustiga pivo quyib sigaret qoldig‘ini tashladilar, kir oyoqlari bilan ataylab oyoqosti qildilar.

Endi esa klub rahbariyati bunga chora ko‘rishga qaror qildi – Kurtua ismli bannerga qo‘riqchi tayinlangan, deb xabar beradi El Mundo Deportivo.