Бельгиялик дарвозабон Тибо Куртуа «Атлетико Мадрид» таркибида жуда кўп ютуқларга эришди - у мамлакат чемпионлигини қўлга киритди, Чемпионлар лигаси финалида ўйнади, Европа лигасида ғалаба қозонди.
Унинг хизматлари шарафига клуб мухлислари янги стадион, трибуналарда ёдгорлик лавҳасини жойлаштирди, клубнинг бошқа тарихий аҳамиятга эга футболчилари учун ҳам худди шундай иш қилинди.
Бироқ, шундай бўлдики, Куртуа «Реал»га ўтди. Ўтган йилнинг баҳорида у «матрасчилар» мухлисларини ранжитадиган баёнот берди ва эҳтиётсизлик қилди. Куртуа «Реал Мадрид» шаҳарнинг бош жамоаси эканлигини тинмай таъкидлаган.
Шундан кейин мухлислар унинг плакатга ҳам ҳурмат билан муносабатда бўлишни тўхтатдилар. Унинг устига пиво қуйиб сигарет қолдиғини ташладилар, кир оёқлари билан атайлаб оёқости қилдилар.
Энди эса клуб раҳбарияти бунга чора кўришга қарор қилди – Куртуа исмли баннерга қўриқчи тайинланган, деб хабар беради El Mundo Deportivo.
