"Manchester Siti" hujumchisi Xulian Alvares Angliya Premyer-ligasidagi chempionlik poygasi haqidagi fikri bilan o‘rtoqlashdi.
Eslatib o‘tamiz, "shaharliklar" ayni damda turnir jadvalida peshqadam "Arsenal"dan 5 ochkoga ortda qolmoqda. "Kanonirlar"ning bitta zaxira o‘yini ham bor, bu esa ochkolar sonini 8taga yetkazishi mumkin.
"Albatta, "Tottenxem"ga yutqazib, oradagi farqni yo‘qotish imkoniyatini qo‘ldan boy berish uyat edi. Shunga qaramay, bizni hali ko‘p o‘yinlar kutib turganidan xabardormiz. Xususan, “Arsenal” bilan ikkita uchrashuv o‘tkazishimiz kerakligini eslash joiz. Bu ko‘p narsani tuzatish uchun ajoyib imkoniyat bo‘ladi", - dedi Alvares City Xtra bilan suhbatda.
