"Манчестер Сити" ҳужумчиси Хулиан Альварес Англия Премьер-лигасидаги чемпионлик пойгаси ҳақидаги фикри билан ўртоқлашди.
Эслатиб ўтамиз, "шаҳарликлар" айни дамда турнир жадвалида пешқадам "Арсенал"дан 5 очкога ортда қолмоқда. "Канонирлар"нинг битта захира ўйини ҳам бор, бу эса очколар сонини 8тага етказиши мумкин.
"Албатта, "Тоттенхэм"га ютқазиб, орадаги фарқни йўқотиш имкониятини қўлдан бой бериш уят эди. Шунга қарамай, бизни ҳали кўп ўйинлар кутиб турганидан хабардормиз. Хусусан, “Арсенал” билан иккита учрашув ўтказишимиз кераклигини эслаш жоиз. Бу кўп нарсани тузатиш учун ажойиб имконият бўлади", - деди Альварес City Xtra билан суҳбатда.
