"Barselona" moliyaviy muammolar tufayli ikki hujumchisidan birini sotishni ko‘rib chiqmoqda. Bu haqda The Athletic xabar bermoqda. Manba bergan xabarga ko‘ra, gap Ferran Torres va Rafinya haqida ketmoqda.
22 yoshli Torres 2022 yilning yanvarida "Barselona"ga o‘tgan edi. Joriy mavsumda u 25 ta o‘yinda 5 ta gol va 1 ta golli uzatmani amalga oshirdi. Tomonlar o‘rtasidagi kelishuv 2027 yilda yakuniga yetadi.
26 yoshli Rafinya 2022 yilning yozida “Lids”dan “Barselona”ga o‘tgan edi. Transfermarkt xabariga ko‘ra, braziliyalik hujumchining kelishuvi Kataloniya klubiga 58 million yevroga tushgan. Rafinya joriy mavsumda 29 ta o‘yinda 6 ta gol urdi va 8 ta golli uzatmani amalga oshirdi.
