"Барселона" молиявий муаммолар туфайли икки ҳужумчисидан бирини сотишни кўриб чиқмоқда. Бу ҳақда The Athletic хабар бермоқда. Манба берган хабарга кўра, гап Ферран Торрес ва Рафинья ҳақида кетмоқда.
22 ёшли Торрес 2022 йилнинг январида "Барселона"га ўтган эди. Жорий мавсумда у 25 та ўйинда 5 та гол ва 1 та голли узатмани амалга оширди. Томонлар ўртасидаги келишув 2027 йилда якунига етади.
26 ёшли Рафинья 2022 йилнинг ёзида “Лидс”дан “Барселона”га ўтган эди. Transfermarkt хабарига кўра, бразилиялик ҳужумчининг келишуви Каталония клубига 58 миллион еврога тушган. Рафинья жорий мавсумда 29 та ўйинда 6 та гол урди ва 8 та голли узатмани амалга оширди.
