"Chelsi" himoyachisi Tiagu Silva klub bilan yangi shartnoma imzolangani haqida fikr bildirdi. 38 yoshli braziliyalik bilan kelishuv 2024 yilgacha mo‘ljallangan.
“Ochig‘ini aytsam, faoliyatimni “Chelsi”da davom ettirganimdan juda xursandman. Klubga o‘tganimda shartnoma atigi bir yilga tuzilgan edi. Hozir bu mavsum to‘rtinchisi! Men buni tasavvur qila olmasdim, lekin aslida shartnoma imzolash va "Chelsi"da qolish men uchun o‘zgacha lahza", - deya Silva so‘zlarini keltirmoqda klub matbuot xizmati.
Braziliyalik himoyachi London klubida 2020 yildan buyon o‘ynab kelmoqda. Joriy mavsumda u barcha musobaqalarda 24 ta o‘yinda maydonga tushib, 2 ta golli uzatmani amalga oshirdi va ikkita sariq kartochka oldi.
