"Челси" ҳимоячиси Тиагу Силва клуб билан янги шартнома имзолангани ҳақида фикр билдирди. 38 ёшли бразилиялик билан келишув 2024 йилгача мўлжалланган.
“Очиғини айтсам, фаолиятимни “Челси”да давом эттирганимдан жуда хурсандман. Клубга ўтганимда шартнома атиги бир йилга тузилган эди. Ҳозир бу мавсум тўртинчиси! Мен буни тасаввур қила олмасдим, лекин аслида шартнома имзолаш ва "Челси"да қолиш мен учун ўзгача лаҳза", - дея Силва сўзларини келтирмоқда клуб матбуот хизмати.
Бразилиялик ҳимоячи Лондон клубида 2020 йилдан буён ўйнаб келмоқда. Жорий мавсумда у барча мусобақаларда 24 та ўйинда майдонга тушиб, 2 та голли узатмани амалга оширди ва иккита сариқ карточка олди.
