“Napoli” markaziy hujumchisi Jovanni Simeone faoliyatini Ispaniya chempionatida davom ettirish imkoniyatiga ega. "Sevilya" 27 yoshli janubiy amerikalik futbolchini transferiga qiziqib qolgan.
Transfermarkt ma’lumotlariga ko‘ra, Jovannining bozor qiymati 17 million yevroga teng. U "Napoli"da "Verona"dan ijara asosida o‘ynaydi. Shartnoma joriy mavsum oxirigacha hisoblangan.
2022/2023 yilgi mavsumda hujumchi Italiya chempionatining 12 ta uchrashuvida ishtirok etgan. Jovanni uchta gol urdi va bitta sariq kartochka oldi.
Ma’lumot o‘rnida Simeonening otasi Diyego Simeone "Atletiko" bosh murabbiyi hisoblanadi.