“Наполи” марказий ҳужумчиси Жованни Симеоне фаолиятини Испания чемпионатида давом эттириш имкониятига эга. "Севилья" 27 ёшли жанубий америкалик футболчини трансферига қизиқиб қолган.
Transfermarkt маълумотларига кўра, Жованнининг бозор қиймати 17 миллион еврога тенг. У "Наполи"да "Верона"дан ижара асосида ўйнайди. Шартнома жорий мавсум охиригача ҳисобланган.
2022/2023 йилги мавсумда ҳужумчи Италия чемпионатининг 12 та учрашувида иштирок этган. Жованни учта гол урди ва битта сариқ карточка олди.
Маълумот ўрнида Симеоненинг отаси Диего Симеоне "Атлетико" бош мураббийи ҳисобланади.
