"Manchester Yunayted"ning o‘ng qanot himoyachisi Aaron Uan-Bissaka hozirgi formasiga qaramay, mavsum oxirida klubini o‘zgartirishi mumkin. Eslatib o‘tamiz, Angliya Premyer-ligasining so‘nggi 8 turidan 7 tasida 25 yoshli angliyalik "qizil iblislar"ning asosiy tarkibida maydonga tushdi.
Jurnalist Aleks Krukning fikricha, hatto Van-Bissakaning so‘nggi muvaffaqiyatlari ham unga "Old Trafford"dagi kelajagini hali kafolatlamaydi. Agar klub kamida 28 million yevrolik taklif tushsa, yozda futbolchini bemalol sotishi mumkin.
Eslatib o‘tamiz, jahon chempionatidagi tanaffusgacha Van-Bissaka Angliya chempionatida bor-yo‘g‘i 4 daqiqa vaqt o‘tkazgandi.
Mankunianliklar bosh murabbiyi Erik ten Xag hamon Aaronning mahorati uning o‘yin uslubiga mos kelishiga shubha qilmoqda.
