"Манчестер Юнайтед"нинг ўнг қанот ҳимоячиси Аарон Уан-Биссака ҳозирги формасига қарамай, мавсум охирида клубини ўзгартириши мумкин. Эслатиб ўтамиз, Англия Премьер-лигасининг сўнгги 8 туридан 7 тасида 25 ёшли англиялик "қизил иблислар"нинг асосий таркибида майдонга тушди.
Журналист Алекс Крукнинг фикрича, ҳатто Ван-Биссаканинг сўнгги муваффақиятлари ҳам унга "Олд Траффорд"даги келажагини ҳали кафолатламайди. Агар клуб камида 28 миллион евролик таклиф тушса, ёзда футболчини бемалол сотиши мумкин.
Эслатиб ўтамиз, жаҳон чемпионатидаги танаффусгача Ван-Биссака Англия чемпионатида бор-йўғи 4 дақиқа вақт ўтказганди.
Манкунианликлар бош мураббийи Эрик тен Хаг ҳамон Аароннинг маҳорати унинг ўйин услубига мос келишига шубҳа қилмоқда.