"Bavariya" darvozaboni Yann Zommer YECHL 1/8 finalida "PSJ"ga qarshi bahsda kuchlar muvozanatiga baho berdi.
Seshanba kuni Yulian Nagelsmann jamoasi Parijga yo‘l oladi va u yerda birinchi uchrashuv bo‘lib o‘tadi. Javob o‘yini 8 martga belgilangan.
"Bizni juda shiddatli o‘yin kutmoqda, unda ajoyib o‘yinchilar va katta maqsadlarga ega bo‘lgan ikkita yuqori darajadagi jamoalar ko‘rishadi. Bizning vazifamiz nafaqat hujumchilarni, balki "PSJ"ning barcha futbolchilarini to‘g‘ri o‘rganish, chunki bu jamoaning kuchi faqat hujum bilan cheklanmaydi. Mbappe birinchi o‘yinda maydonga tusha oladimi yoki yo‘qmi, bilmayman. Ko‘ramiz”, - deya yanvar oyida “Bavariya” safiga qo‘shilgan shveysariyalik darvozabonning so‘zlarini keltiradi jurnalist Georg Xolsner.
