"Бавария" дарвозабони Янн Зоммер ЕЧЛ 1/8 финалида "ПСЖ"га қарши баҳсда кучлар мувозанатига баҳо берди.
Сешанба куни Юлиан Нагельсманн жамоаси Парижга йўл олади ва у ерда биринчи учрашув бўлиб ўтади. Жавоб ўйини 8 мартга белгиланган.
"Бизни жуда шиддатли ўйин кутмоқда, унда ажойиб ўйинчилар ва катта мақсадларга эга бўлган иккита юқори даражадаги жамоалар кўришади. Бизнинг вазифамиз нафақат ҳужумчиларни, балки "ПСЖ"нинг барча футболчиларини тўғри ўрганиш, чунки бу жамоанинг кучи фақат ҳужум билан чекланмайди. Мбаппе биринчи ўйинда майдонга туша оладими ёки йўқми, билмайман. Кўрамиз”, - дея январь ойида “Бавария” сафига қўшилган швейцариялик дарвозабоннинг сўзларини келтиради журналист Георг Хольцнер.
