"PSJ" yarim himoyachisi Marko Verratti "Bavariya"ga qarshi Chempionlar ligasi o‘yinigacha tiklanishi mumkin.

Italiyalik futbolchi jarohati tufayli Fransiya chempionatining shanba kuni bo‘lib o‘tgan “Monako”ga qarshi uchrashuvini o‘tkazib yubordi va bu uchrashuv parijliklarning 1:3 hisobidagi mag‘lubiyati bilan yakunlandi.

L'Equipe xabariga ko‘ra, 30 yoshli yarim himoyachi dushanba kunidanoq mashg‘ulotlarga kirishadi. Klub uning "Bavariya" bilan bo‘lajak o‘yindagi ishtirokiga hech narsa tahdid solmaydi, deb hisoblamoqda. Xuddi shu narsa, avvalroq xabar qilinganidek, yangi hafta boshidan mashg‘ulotlarga qaytadigan Messiga ham tegishli.

"PSJ" - "Bavariya" o‘yini 14 fevral kuni Chempionlar ligasining 1/8 finali doirasida bo‘lib o‘tadi.