"ПСЖ" ярим ҳимоячиси Марко Верратти "Бавария"га қарши Чемпионлар лигаси ўйинигача тикланиши мумкин.
Италиялик футболчи жароҳати туфайли Франция чемпионатининг шанба куни бўлиб ўтган “Монако”га қарши учрашувини ўтказиб юборди ва бу учрашув парижликларнинг 1:3 ҳисобидаги мағлубияти билан якунланди.
L'Equipe хабарига кўра, 30 ёшли ярим ҳимоячи душанба куниданоқ машғулотларга киришади. Клуб унинг "Бавария" билан бўлажак ўйиндаги иштирокига ҳеч нарса таҳдид солмайди, деб ҳисобламоқда. Худди шу нарса, аввалроқ хабар қилинганидек, янги ҳафта бошидан машғулотларга қайтадиган Мессига ҳам тегишли.
"ПСЖ" - "Бавария" ўйини 14 феврал куни Чемпионлар лигасининг 1/8 финали доирасида бўлиб ўтади.
