Madridning “Real” klubi yarim himoyachisi Toni Kroos shartnomasidagi vaziyat haqida gapirdi.
33 yoshli futbolchining klub bilan shartnomasi mavsum oxirida yakuniga yetadi. Germaniyalik yarim himoyachi yo futbolchilik faoliyatini yakunlashi yoki "Real" bilan shartnomasini yana bir yilga uzaytirishi mumkin.
“Qaymoqranglilar” “Al-Hilol”ni mag‘lub etgan klublar o‘rtasidagi jahon chempionati finalidan so‘ng (5:3) Kroosdan yana uning kelajagi haqida so‘rashdi:
“Faoliyatimni yakunlash? Men hali ham keyingi mavsumda o‘ynashda davom etamanmi, deb o‘ylayapman. Qaror ko‘p vaqt talab qilmaydi - tez orada men hamma narsani xabar qilaman. Biz klub bilan doimiy muloqotdamiz", - deya Kroosning so‘zlarini keltiradi ispan matbuoti.
