Мадриднинг “Реал” клуби ярим ҳимоячиси Тони Кроос шартномасидаги вазият ҳақида гапирди.

33 ёшли футболчининг клуб билан шартномаси мавсум охирида якунига етади. Германиялик ярим ҳимоячи ё футболчилик фаолиятини якунлаши ёки "Реал" билан шартномасини яна бир йилга узайтириши мумкин.

“Қаймоқранглилар” “Ал-Ҳилол”ни мағлуб этган клублар ўртасидаги жаҳон чемпионати финалидан сўнг (5:3) Кроосдан яна унинг келажаги ҳақида сўрашди:

“Фаолиятимни якунлаш? Мен ҳали ҳам кейинги мавсумда ўйнашда давом этаманми, деб ўйлаяпман. Қарор кўп вақт талаб қилмайди - тез орада мен ҳамма нарсани хабар қиламан. Биз клуб билан доимий мулоқотдамиз", - дея Крооснинг сўзларини келтиради испан матбуоти.