"Barselona" yarim himoyachisi Frank Kessie jarohat olgan jamoa sardori Serxio Buskets o‘rniga maydonga tushadi.
34 yoshli yarim himoyachi bir necha haftani o‘tkazib yuborishi kutilmoqda. U La Liga doirasida "Sevilya"ga qarshi o‘yinda jarohat oldi.
Diario Sport xabariga ko‘ra, bosh murabbiy Xavi Ernandes allaqachon Busketsning o‘rniga Frank Kessieni maydonga tushirish bo‘yicha bir qarorga kelgan. Kot-dIvuarlik futbolchi Ispaniya chempionati va Yevropa ligasi doirasida yakshanba va payshanba kunlari bo‘lib o‘tadigan "Vilyarreal" va "Manchester Yunayted"ga qarshi o‘yinlarda maydonga tushishi mumkin.
Frank Kessie joriy mavsumda “Barselona” safida 23 ta o‘yinda maydonga tushib, 2 ta gol urdi va 3 ta golli uzatmani amalga oshirdi.
