"Барселона" ярим ҳимоячиси Франк Кессиэ жароҳат олган жамоа сардори Серхио Бускетс ўрнига майдонга тушади.
34 ёшли ярим ҳимоячи бир неча ҳафтани ўтказиб юбориши кутилмоқда. У Ла Лига доирасида "Севилья"га қарши ўйинда жароҳат олди.
Diario Sport хабарига кўра, бош мураббий Хави Эрнандес аллақачон Бускетснинг ўрнига Франк Кессиэни майдонга тушириш бўйича бир қарорга келган. Кот-дИвуарлик футболчи Испания чемпионати ва Европа лигаси доирасида якшанба ва пайшанба кунлари бўлиб ўтадиган "Вильярреал" ва "Манчестер Юнайтед"га қарши ўйинларда майдонга тушиши мумкин.
Франк Кессиэ жорий мавсумда “Барселона” сафида 23 та ўйинда майдонга тушиб, 2 та гол урди ва 3 та голли узатмани амалга оширди.
