«Chelsi» yarim himoyachisi Ruben Loftus-CHik jamoadagi o‘zgarishlar va jamoaning so‘nggi natijalari haqida gapirdi.
«Men oldin bunchalik ko‘p yangi o‘yinchilar kelganini ko‘rmaganman. Biz buni qabul qilishga majburmiz, chunki bu eng yaxshi tarkib bo‘ldi.
Biz bu yigitlarni qanchalik tez o‘z pozisiyalariga joylashtira olsak, shunchalik tezroq ishlay boshlaymiz.
Lekin ishoning, biz bu durang va mag‘lubiyatlarni osonlikcha qabul qilmaymiz. Mag‘lubiyatga uchraganimizda yoki durang o‘ynaganimizda xafa bo‘laman.
Biz g‘alaba qozonish uchun barcha zarur choralarni ko‘ryapmiz», - deya Loftus-CHikning so‘zlarini keltiradi «Chelsi» rasmiy sayti.
«Ko‘klar» 22 turdan keyin 31 ochko jamg‘argan holda APL turnir jadvalida 9-o‘rinda bormoqda. «Chelsi»ning Premyer-ligadagi so‘nggi uchta o‘yini durang bilan yakunlangan.
