«Челси» ярим ҳимоячиси Рубен Лофтус-Чик жамоадаги ўзгаришлар ва жамоанинг сўнгги натижалари ҳақида гапирди.
«Мен олдин бунчалик кўп янги ўйинчилар келганини кўрмаганман. Биз буни қабул қилишга мажбурмиз, чунки бу энг яхши таркиб бўлди.
Биз бу йигитларни қанчалик тез ўз позицияларига жойлаштира олсак, шунчалик тезроқ ишлай бошлаймиз.
Лекин ишонинг, биз бу дуранг ва мағлубиятларни осонликча қабул қилмаймиз. Мағлубиятга учраганимизда ёки дуранг ўйнаганимизда хафа бўламан.
Биз ғалаба қозониш учун барча зарур чораларни кўряпмиз», - дея Лофтус-Чикнинг сўзларини келтиради «Челси» расмий сайти.
«Кўклар» 22 турдан кейин 31 очко жамғарган ҳолда АПЛ турнир жадвалида 9-ўринда бормоқда. «Челси»нинг Премьер-лигадаги сўнгги учта ўйини дуранг билан якунланган.
