Xabaringiz bor, «Navbahor» ayni paytda Turkiyada o‘quv-mashg‘ulot yig‘inini o‘tkazmoqda. Mazkur yig‘in doirasidagi navbatdagi nazorat-sinov bahsini “Navbahor” bugun Rossiyaning “Ufa” jamoasiga qarshi o‘tkazdi.

Mazkur uchrashuvning 1-bo‘limida darvozalarga to‘p kiritilmadi va jamoalar tanaffusga 0:0 hisobidagi durang natija bilan yo‘l oldi.

Bahsning 2-bo‘limida har ikki klubning zaxiradan maydonga tushgan futbolchilari gol urishdi. Uchrashuvning 68-daqiqasida namanganliklarning mahoratli hujumchisi Jasur Yaxshiboyev hisobni ochgan bo‘lsa, 75-daqiqada ufaliklarning kolumbiyalik forvardi Dilan Ortis “Navbahor” darvozasiga belgilangan penaltini aniq amalga oshirib, hisobni tenglashtirdi hamda ushbu o‘yinning 1:1 hisobidagi durang natija bilan yakunlanishini ta’minladi.

O‘z navbatida uchrashuvning 48-daqiqasida jamoamizning tajribali himoyachisi Davronbek Hoshimov qizil kartochka olib, maydondan chetlatilganligini ham ta’kidlash joiz.

“Lochinlar” Turkiya yig‘ini doirasidagi navbatdagi o‘rtoqlik bahsini 16 fevral kuni Rossiyaning “Baltika” klubiga qarshi o‘tkazishni rejalashtirishgan.

Nazorat o‘yini
“Navbahor” – “Ufa” – 1:1 (0:0)
Gollar: Jasur Yaxshiboyev (68) – Dilan Ortis (75-pen.).
“Navbahor”: O‘tkir Yusupov, Davronbek Hoshimov, Igor Golban, Milosh Milovich, Luka Chermel, Oston O‘runov, Jamshid Iskanderov, Abror Ismoilov, Yovan Jokich, Asadbek Sobirjonov, Temurxo‘ja Abduxoliqov.
Zaxiradan maydonga tushganlar: Jasur Yaxshiboyev, Jamshid Boltaboyev, Ibrohim Yo‘ldoshev, Shahboz Jo‘rabekov, Farrux Ikromov.
“Ufa”: Ivan Kukushkin, Lev Ushaxin, Erving Botaka, Aleksandr Suxov, Egash Kasintura, Andrey Nikitin, Danila Yemelyanov, Artyom Pogosov, Artyom Golubev, Aleksey Yevseev, Roman Minayev.
Zaxiradan maydonga tushganlar: Dilan Ortis, Ketelin Karp va “Ufa” ko‘rigida bo‘lgan 4 nafar yangi futbolchilar.

“Navbahor” PFK matbuot xizmati.