“Barselona” hujumchisi Ansu Fatining agenti Xorxe Mendesh Kataloniya klubi rahbariyati bilan uchrashdi, deb xabar beradi Sport.es.
U o‘zi do‘stona munosabatda bo‘lgan klub prezidenti Joan Laportani futbolchining jamoani tark etish niyatida emasligiga ishontirdi.
Avvalroq, "ko‘k-anorranglilar" bosh murabbiyi Xavi yosh hujumchi yozda boshqa klubga ketishi mumkinligi haqidagi mish-mishlarga juda alamli munosabat bildirgandi.
Fati "Barselona" bilan shartnomasini 2027 yilgacha uzaytirdi. 20 yoshli futbolchining shartnomasida tovon puli 1 milliard yevroni tashkil etadi.
Joriy mavsumda Fati “Barselona” safida barcha turnirlar doirasida 31 ta o‘yinda maydonga tushib, 6 ta gol urdi va 3 ta golli uzatmani amalga oshirdi.
