“Барселона” ҳужумчиси Ансу Фатининг агенти Хорхе Мендеш Каталония клуби раҳбарияти билан учрашди, деб хабар беради Sport.es.

У ўзи дўстона муносабатда бўлган клуб президенти Жоан Лапортани футболчининг жамоани тарк этиш ниятида эмаслигига ишонтирди.

Аввалроқ, "кўк-анорранглилар" бош мураббийи Хави ёш ҳужумчи ёзда бошқа клубга кетиши мумкинлиги ҳақидаги миш-мишларга жуда аламли муносабат билдирганди.

Фати "Барселона" билан шартномасини 2027 йилгача узайтирди. 20 ёшли футболчининг шартномасида товон пули 1 миллиард еврони ташкил этади.

Жорий мавсумда Фати “Барселона” сафида барча турнирлар доирасида 31 та ўйинда майдонга тушиб, 6 та гол урди ва 3 та голли узатмани амалга оширди.