UEFA 14 fevral kuni bo‘lib o‘tadigan Chempionlar ligasining 1/8 final dastlabki o‘yinlariga hakamlarni tayinladi.
Parijda bo‘lib o‘tadigan "PSJ" - "Bavariya" uchrashuvini Maykl Oliver boshchiligidagi britaniyalik hakamlar brigadasi boshqarib boradi. Unga Styuart Bert va Saymon Bennet yordam beradi, to‘rtinchi hakam esa Endi Medli. Polyak Tomas Kvyatkovski VAR da ishlaydi, ingliz Styuart Ettuell esa uning yordamchisi bo‘ladi.
"Milan" - "Tottenxem" o‘yinida shveysariyalik hakamlar ishlaydi. Bosh hakam Sandro Sherer, uning yordamchilari - Stefan De Almeyda va Bekim Zogay, to‘rtinchi hakam - Lukas Fendrich. VAR - Marko Fris (Germaniya), AVAR - Fedai Sun (Shveysariya).
