“Barselona” yarim himoyachisi Serxio Buskets “Manchester Yunayted”ga qarshi Yevropa ligasi pley-off bosqichining birinchi o‘yinini o‘tkazib yuboradi, deb xabar beradi Marca.
"Barselona" sardori La Liganing 20-turi doirasida "Sevilya"ga qarshi o‘yinda (3:0) to‘pig‘idan jarohat oldi va 8-daqiqada almashtirildi.
U 16 fevral kuni “Manchester Yunayted”ga qarshi Yevropa ligasi pley-off bosqichining birinchi o‘yinida ishtirok eta olmaydi.
Biroq yarim himoyachi 23 fevral kuni bo‘lib o‘tadigan javob o‘yiniga qadar tiklanishi kerak.
34 yoshli futbolchi joriy mavsumda “Barselona” safida barcha turnirlarda 27 ta o‘yinda maydonga tushdi va 1 ta golli uzatmani amalga oshirdi.
