“Барселона” ярим ҳимоячиси Серхио Бускетс “Манчестер Юнайтед”га қарши Европа лигаси плей-офф босқичининг биринчи ўйинини ўтказиб юборади, деб хабар беради Marca.
"Барселона" сардори Ла Лиганинг 20-тури доирасида "Севилья"га қарши ўйинда (3:0) тўпиғидан жароҳат олди ва 8-дақиқада алмаштирилди.
У 16 февраль куни “Манчестер Юнайтед”га қарши Европа лигаси плей-офф босқичининг биринчи ўйинида иштирок эта олмайди.
Бироқ ярим ҳимоячи 23 февраль куни бўлиб ўтадиган жавоб ўйинига қадар тикланиши керак.
34 ёшли футболчи жорий мавсумда “Барселона” сафида барча турнирларда 27 та ўйинда майдонга тушди ва 1 та голли узатмани амалга оширди.
