Londonning "Chelsi" klubi "Bavariya"da ijara asosida o‘ynayotgan Joau Kanseluni sotib olish imkoniyatini o‘rganmoqda.
Himoyachi “Manchester Siti”ga tegishli, ammo “Bavariya”da portugaliyalikni 70 million yevroga sotib olish imkoniyati bor. Biroq ma’lumki, nemis grandi bunday summani to‘lashga rozi bo‘lmasa kerak. 90min xabariga ko‘ra, "Chelsi" vaziyatni kuzatib bormoqda, agar "Bavariya" buni uddalay olmasa, 28 yoshli futbolchini sotib olishga tayyor.
Joau Kanseluning ijara muddati joriy mavsum oxirigacha hisoblangan. Lateral Yulian Nagelsmann jamoasida uchta o‘yin o‘tkazib, ikkita golli uzatmani amalga oshirdi.
