Ramon Kalderon Krishtianu Ronalduning "An-Nasr"ga o‘tishi haqida fikr bildirdi.
"Men uning yana ikki-uch yil top-chempionatlarda o‘ynashini istardim. Menimcha, u hali ham ajoyib formada. U butun faoliyati davomida o‘ziga juda ehtiyotkorlik bilan qaradi.
Ammo menimcha, u buni yaxshi variant deb hisoblagan, shuning uchun unga, shuningdek, klubimizda o‘ynagan barcha futbolchilarga omad tilayman”, - dedi “Real”ning sobiq prezidenti.
Kalderon, shuningdek, Krishtianu Ronaldu va Lionel Messi haqidagi savolga javob berdi.
“Ular turli xil o‘yinchilar, lekin menga ikkalasi ham yoqadi. Bu ular uchun va ular o‘ynagan klublar uchun ajoyib vaqt edi. Ularga o‘xshagan futbolchilar keyinchalik paydo bo‘lishiga umid qilishimiz mumkin xolos”, — dedi u.
