The Telegraph nashri xabariga ko‘ra, bir qancha sarmoyadorlar Angliya klubini sotib olish uchun "Manchester Yunayted"ning sobiq yarim himoyachisi Devid Bekxemga murojaat qilishdi.

Bekxem bunday hamkorlikka ochiq, biroq hozirgacha unga murojaat qilganlarning hammasini rad etib kelmoqda.

Angliya terma jamoasining sobiq futbolchisi, albatta, u elchi bo‘lib ishlayotgan Qatardan kelgan investorlar guruhining yuzi bo‘lmaydi.

"Yunayted"ning sobiq bosh murabbiyi Ser Aleks Fergyusonga ham shunday takliflar tushgani aytilmoqda. Potensial xaridorlar uchun klub afsonalaridan birini o‘z tomoniga tortish juda muhim.

Eslatib o‘tamiz, o‘tgan yilning noyabr oyida 2005 yildan buyon "Manchester Yunayted"ga egalik qilib kelayotgan Gleyzerlar oilasi klubni sotish niyati borligini ma’lum qilgandi. Uchinchi tomon investisiyalari varianti ko‘rib chiqilmoqda.