Xorvatiyalik yarim himoyachi Luka Modrichning «Real» bilan shartnomasini uzaytirishi uning sherigi Toni Kroosning shartnomasi bilan bog‘liq bo‘lib turibdi va Jud Bellingemning «Borussiya»dan «Real»ga o‘tishiga aloqador. Bu haqda Marca nashri xabar bermoqda.
«Qaymoqranglilar» rahbariyati uchta futbolchini bir yerga birlashtirish ish bermasligiga ishonmoqda.
Jud Bellingem «Real»ga o‘tsa, asosiy tarkibda o‘ynaydi. Qayd etilishicha, futbolchining transferi bilan bog‘liq vaziyat fevral-mart oylarida hal bo‘lishi mumkin.
Agar Toni Kroos mavsum oxirida tugaydigan shartnomasini uzaytirsa, Modrich maydonda o‘ziga joy topa olmasligi mumkin.
Modrich 2012 yilda «Real»ga o‘tgan edi. Jamoa bilan u 5 marta Chempionlar ligasida g‘olib chiqdi. Joriy mavsumda futbolchi «qaymoqranglilar»ga klublar o‘rtasidagi jahon chempionatida g‘olib chiqishga yordam berdi.
