Хорватиялик ярим ҳимоячи Лука Модричнинг «Реал» билан шартномасини узайтириши унинг шериги Тони Крооснинг шартномаси билан боғлиқ бўлиб турибди ва Жуд Беллингемнинг «Боруссия»дан «Реал»га ўтишига алоқадор. Бу ҳақда Marca нашри хабар бермоқда.

«Қаймоқранглилар» раҳбарияти учта футболчини бир ерга бирлаштириш иш бермаслигига ишонмоқда.

Жуд Беллингем «Реал»га ўтса, асосий таркибда ўйнайди. Қайд этилишича, футболчининг трансфери билан боғлиқ вазият февраль-март ойларида ҳал бўлиши мумкин.

Агар Тони Кроос мавсум охирида тугайдиган шартномасини узайтирса, Модрич майдонда ўзига жой топа олмаслиги мумкин.

Модрич 2012 йилда «Реал»га ўтган эди. Жамоа билан у 5 марта Чемпионлар лигасида ғолиб чиқди. Жорий мавсумда футболчи «қаймоқранглилар»га клублар ўртасидаги жаҳон чемпионатида ғолиб чиқишга ёрдам берди.