“Manchester Yunayted” bosh murabbiyi Erik ten Xag Yevropa ligasi 1/16 finalidagi raqib saviyasiga baho berdi.
Birinchi uchrashuv 16 fevral kuni "Kamp Nou"da bo‘lib o‘tadi. Javob o‘yini bir haftadan keyin "Old Trafford"da bo‘lib o‘tadi.
“Menga Xavi doim futbolchi sifatida yoqqan, hozir esa uning jamoasi o‘ynayotgan futbol menga yoqadi. U jamoaga o‘z falsafasini olib keldi. Hozirgi "Barselona"ning hujumkor o‘yini ta’sirli ko‘rinadi.
Menimcha, biz kabi "Barselona" ham bu o‘yinni finalda o‘tkazishni afzal ko‘rgan bo‘lardi. Umid qilamanki, barcha o‘yinchilar tomoshabinlarni xursand qilish uchun jangga eng yaxshi formada kelishadi”, dedi o‘yin oldidan bergan intervyusida Ten Xag.
