“Манчестер Юнайтед” бош мураббийи Эрик тен Хаг Европа лигаси 1/16 финалидаги рақиб савиясига баҳо берди.

Биринчи учрашув 16 февраль куни "Камп Ноу"да бўлиб ўтади. Жавоб ўйини бир ҳафтадан кейин "Олд Траффорд"да бўлиб ўтади.

“Менга Хави доим футболчи сифатида ёққан, ҳозир эса унинг жамоаси ўйнаётган футбол менга ёқади. У жамоага ўз фалсафасини олиб келди. Ҳозирги "Барселона"нинг ҳужумкор ўйини таъсирли кўринади.

Менимча, биз каби "Барселона" ҳам бу ўйинни финалда ўтказишни афзал кўрган бўларди. Умид қиламанки, барча ўйинчилар томошабинларни хурсанд қилиш учун жангга энг яхши формада келишади”, деди ўйин олдидан берган интервьюсида Тен Хаг.