«Milan»ning sobiq bosh murabbiyi Fabio Kapello YECHL 1/8 finali doirasidagi «Tottenxem»ga (1:0) qarshi birinchi o‘yinda hujumchi Rafael Leauning o‘yinidan norozi bo‘ldi.
«Leau - bu tug‘ma talant. Buni inkor etish mumkin emas. U o‘tgan yildagi kabi emasligini hisobga olish kerak.
Biroq hozir xuddi Dzanyolo bilan bo‘lgani kabi vaziyat yuz bermoqda - uning boshi o‘yin bilan emas, shartnomalar bilan band», - deya Kapelloning so‘zlaridan iqtibos keltiradi Pianetamilan.it.
Leauning shartnomasi 2024 yilning yozida yakuniga yetadi. 23 yoshli portugaliyalik joriy mavsumda milanliklar safida 30 ta o‘yinda maydonga tushib, 9 ta gol urdi va 9 ta golli uzatmani amalga oshirdi.
