«Милан»нинг собиқ бош мураббийи Фабио Капелло ЕЧЛ 1/8 финали доирасидаги «Тоттенхэм»га (1:0) қарши биринчи ўйинда ҳужумчи Рафаэль Леаунинг ўйинидан норози бўлди.
«Леау - бу туғма талант. Буни инкор этиш мумкин эмас. У ўтган йилдаги каби эмаслигини ҳисобга олиш керак.
Бироқ ҳозир худди Дзаньоло билан бўлгани каби вазият юз бермоқда - унинг боши ўйин билан эмас, шартномалар билан банд», - дея Капеллонинг сўзларидан иқтибос келтиради Pianetamilan.it.
Леаунинг шартномаси 2024 йилнинг ёзида якунига етади. 23 ёшли португалиялик жорий мавсумда миланликлар сафида 30 та ўйинда майдонга тушиб, 9 та гол урди ва 9 та голли узатмани амалга оширди.
