«Bavariya» bosh murabbiyi Yulian Nagelsman Kilian Mbappe haqidagi savolga javob berdi.

Yaqinda olgan jarohati tufayli hujumchi «PSJ»ning «Bavariya»ga qarshi Chempionlar ligasi 1/8 finali birinchi o‘yinida asosiy tarkibga kiritilmagandi.

Fransiyalik hujumchi 57-daqiqada zaxiradan maydonga tushgan bo‘lsada, parijliklarga o‘z uyida mag‘lubiyatdan qutulib qolishga yordam bermadi - 0:1.

«Mbappening bir o‘ziyoq har qanday o‘yinni o‘zgartira oladi. «PSJ» u maydonga kirganida darhol «uyg‘ondi».

Shubhasiz, jamoa Kilian bilan yanada kuchliroq, ammo bizda javob o‘yinida unga qarshi qanday harakat qilish haqida rejalar bor», dedi Nagelsman matbuot anjumanida.