«Бавария» бош мураббийи Юлиан Нагельсман Килиан Мбаппе ҳақидаги саволга жавоб берди.

Яқинда олган жароҳати туфайли ҳужумчи «ПСЖ»нинг «Бавария»га қарши Чемпионлар лигаси 1/8 финали биринчи ўйинида асосий таркибга киритилмаганди.

Франциялик ҳужумчи 57-дақиқада захирадан майдонга тушган бўлсада, парижликларга ўз уйида мағлубиятдан қутулиб қолишга ёрдам бермади - 0:1.

«Мбаппенинг бир ўзиёқ ҳар қандай ўйинни ўзгартира олади. «ПСЖ» у майдонга кирганида дарҳол «уйғонди».

Шубҳасиз, жамоа Килиан билан янада кучлироқ, аммо бизда жавоб ўйинида унга қарши қандай ҳаракат қилиш ҳақида режалар бор», деди Нагельсман матбуот анжуманида.