Kuni kecha FIFA klublar o‘rtasidagi jahon chempionati-2023 mezbonligini Saudiya Arabistoniga topshirdi.
Turnir 2023 yilning 12 dekabr sanasidan 22 dekabr sanasiga qadar bo‘lib o‘tadi. Musobaqaning amaldagi g‘olibi «Real» sanaladi. Madrid klubi yakshanba kuni Marokash poytaxti Rabotda o‘tgan finalda Saudiyaning «Al Hilol» klubini mag‘lub etgandi.
Avvalroq, Saudiya Arabistoni 2030 yilgi jahon chempionatiga ariza topshirishi mumkinligi haqida xabar qilingandi. So‘nggi marta 1997 yilda Konfederasiyalar kubogi ushbu mamlakatda bo‘lib o‘tgandi.
Klublar o‘rtasidagi jahon chempionati ishtirokchilari sonini 32ta jamoaga oshirish bo‘yicha yangi tafsilotlar ma’lum bo‘ldi.
Sky Sports jurnalisti Rob Harrisning yozishicha, 2025 yildan boshlab turnirda Yevropadan 12ta, Janubiy Amerikadan 6ta, Afrika, Osiyo va KONKAKAFdan 4tadan, Okeaniyadan 1ta jamoa ishtirok etadi.
Yana bir o‘rin musobaqani o‘tkazuvchi mamlakat klubiga nasib etadi.
Avvalroq FIFA prezidenti Janni Infantino klublar o‘rtasidagi jahon chempionatida jamoalar soni 32taga oshirilishini e’lon qilgandi.
